Kryeministri Edi Rama ndodhet në Itali, ku ka zhvilluar një takim me ministrin e Jashtëm, Luigi Di Maio për konferencën e donatorëve që pritet të zhvillohet më 17 shkurt. Takimin me ministrin e Jashtëm Rama e ka publikuar në Facebook.
Teksa është folur për organizimin e Konferencës së Donatorëve, për rindërtimin pas tërmetit që shkaktoi viktima e të plagosur, Rama e ka informuar ministrin italian se raporti i plotë i dëmeve do të jetë gati për disa ditë, por deri tani fatura është llogaritur të jetë rreth 1 miliardë euro.
Nga ana tjetër, Di Maio shprehet se ka besim tek Konferenca e Donatorëve e organizuar nga BE, se do të gjendet një zgjidhje aty.
