Diçka mes fatit të keq edhe koincidencës, dosja e Lulzim Bashës për lobimin rus do të gjykohet nga bashkëshortja e deputetit të ndjerë Azem Hajdari dhe njëkohësisht nëna e Rudina Hajdarit. Kujtojmë që Rudina është pjesë e deputetëve që thyen linjën e vendosur nga Basha duke mos hequr dorë nga mandati i deputetes.
Qëndrimi i saj ka bërë që ajo të jetë në qendër të sulmeve të opozitës jashtëparlamentare, ku herë pas herë është cilësuar prej deputetëve të opozitës si “bashkëpunëtore” e Ramës për qëndrimet e mbajtura.
Sips BW, Fatmira Hajdari do të jetë gjyqtarja kryesore, ndërsa anëtarë do të jenë Alaudin Malaj dhe Shpresa Becaj. Megjithëse ende s’ka asnjë reagim, gjasat janë që Fatmira Hajdari të japë dorëheqjen nga çështja.
Kujtojmë që Basha fitoi pavarësinë për çështjen e lobimit dhe falsifikimit të formularëve. Prokuroria e Tiranës apeloi vendimin e gjyqtarit Lazër Sallaku që i dha pafajësi Bashës, Arben Ristanit dhe Ilir Dervishit.
