Fatbardh Kadilli
Anëtari i kryesisë së partisë Demokratike, Fatbardh Kadili ka dalë sot para mediave për të mbajtur fjalën e tij lidhur me situatën ku ndodhet Partia Demokratike pas zgjedhjeve. Ai ka shprehur dhe njëherë kandidaturën e tij për marrjen e drejtimit të PD-së dhe ka përsëritur dhe se Lulzim Basha e ka fajin që qytetarët preferojnë ta këmbejnë votën me një thes miell.
“Jam këtu për ti kërkuar edhe njëherë Lulzim Bashës dorëheqjen. Projekti i ekipit të tij u provua i paaftë për të prodhuar fitore për demokratët. Si i tillë ka shteruar dhe nuk jep më opsione për të ardhmen. E kemi mbështetur me vetëmohim për të na drejtuar në fitore. Nuk ia doli, nuk diti, dështoi. Sot të gjithë mund të gjejmë justifikime për dështimin, por jo faktin që jemi para 4 vjet e 4 muaj në opozitë dhe nuk dimë se çfarë na pret. Sot kush thërret Rama ik nuk mund të thërrasë Basha rri. Vjedhja e Ramës nuk është alibi për dështimin e Bashës dhe dështimi i Bashës nuk mund të jetë alibi për të mos luftuar Ramën”
***
“Unë nuk kam pasur hakmarrje, por kur shoh një dështim të përsëritur, kur një rrugë e ke provuar dhe dështon nuk ke pse e provon më, aq më tepër për herë të tretë. Nuk bëhet fjalë për shqetësime të natyrës emocionale, por politike”
***
“Kam kontribuar me vetëmohim . Pasi prita përfundimin e procesit të numërimit, atëherë menjëherë kërkova dorëheqjen e Bashës.
Unë nuk besoj e gjithë numri i votave mbështetëse të partsisë Socialiste janë të vjedhura. Lulzim Basha ka detyrën e parë që t’i japë një vlerë votës që askush mos të shesë votat.
Nëse votohet për një thes me miell para se të votohet për Bashën atëherë është problemi i tij .
Kam plotësuar cdo lloj detyre të ngarkuar nga kryetari i partisë. Janë të paktën 4 qarqe ku unë kam kontribuar dhe rezultati ka qenë shumë i mirë.
Nuk i kam hyrë kësaj rruge si një grup kundër një grupi, por i kam hyrë si një projekt kundër një projekti. Një projekt i dështuar kundër një projekti të ri.”
