7 persona janë arrestuar dhe një është shpallur në kërkim për falsifikim dokumentesh me qëllim përfitimin e kredive.
Specialistët e Seksionit për Krimin Ekonomik- Financiar, në Drejtorinë Vendore të Policisë Tiranë, në bashkëpunim me Prokurorinë e Rrethit Gjyqësor Tiranë, kanë finalizuar operacionin “Kredia”, në kuadër të të cilit janë arrestuar shtetasit:
Arjel Sulejmanaj, 46 vjeç, banues në Tiranë
Elsad Zhabjaku, 23 vjeç, banues në Tiranë
Riselda Hoxha, 32 vjeçe, banuese në Tiranë
Albert Shirka, 54 vjeç, banues në Tiranë
Ertgrent Boshti, 26 vjeç, banues në Tiranë
Luan Dana, 56 vjeç, banues në Tiranë
Sonila Berberi, 26 vjeçe, banuese në Tiranë
Gjithashtu është bërë shpallja në kërkim e shtetasit R. H.
Për këta shtetas është arritur të dokumentohet me prova ligjore se në kohë të ndryshme duke përdorur dokumentacione të dyshuara të falsifikuara prej tyre, kanë përfituar kredi konsumatore në shuma të ndryshme pranë një Shoqërie Financiare që ofron kredi.
Në cilësinë e provës materiale u sekuestruan:
– Dy vula të falsifikuara me logon “Instituti i sigurimeve shoqërore Tiranë”
– 8 vërtetime të institucionit të sigurimeve shoqërore të dyshuara të falsifikuara
– 6 celular të markave të ndryshme.
– Një automjet tip “Fiat”
