Dy orë pas përfundimit të votimeve, Kryebashkiakja e Shkodrës, Voltana Ademi falenderon qytetarët shkodranë për atë çfarë ajo e quan një referendum, ndaj këtyre votimeve.
Nëpërmjet një postimi në Facebook, Ademi thekson se kaluan një ditë të vështirë dhe se qytetarët e Shkodrës e dhanë përgjigjen e tyre sot përmes braktisjes së zgjedhjeve.
“Përballë një shtetrrethimi, i mbështetur edhe nga struktura kriminale, ia kemi dalë ti tregojmë regjimit se ne jemi shumica, ne jemi qytetarët e Shkodrës që me shumë qytetari, i dhamë përgjigjen e merituar përmes braktisjes totale!”, shkruan Ademi.
Më tej, ajo akuzon se Rilindja detyroi me anë të presionit qindra persona të votonin, por që nuk ia doli dot.
Statusi i plotë:
#FALEMINDERIT #MIRENJOHJE #RESPEKT! Të dashur bashkëqytetarë! Kemi kaluar një ditë të vështirë! Përballë një shtetrrethimi, i mbështetur edhe nga struktura kriminale, ia kemi dalë ti trëgojmë regjimit se NE jemi shumica, ne jemi QYTETARËT e SHKODRËS që me shumë qytetari, i dhamë përgjigjen e merituar përmes BRAKTISJES totale!
Sot nuk ishin votime, ky ishte REFERENDUM! Shkodranët, nga Thethi në Velipojë, nga Zogajt në Gurin e Zi, e bojkotuan masivisht diktaturën! Shkodra qëndroi, nuk u nënshtrua, duke i dhënë zemër dhe shpresë gjithë Shqipërisë, ashtu si në vitin 1990!
Ky është lajmi i ditës!
Rilindja detyroi me anë të presionit qindra persona të votonin por nuk ia doli dot! Pa llogaritur votat e pavlefshme, të cilat janë të shumta si kurrë më parë! #AsnjeHapPas #BashkeIaDalim #ShkodraNukPerkulet #BetejaPerDemokraciVazhdon #ShqiperiaSiEuropa
