Kryeministri Rama ka bërë me dije se të gjitha gjobat e vendosura deri më tani, për këmbësorët dhe automjetet që kanë thyer masat e koronavirusit, do të falen.
Përmes një komunikimi live në Facebook, Rama thekson se duke filluar nga java tjetër, gjobat për ata që thyejnë masat do të jenë të pakthyeshme.
“Shëndeti mbi të gjitha. Falë jush është krenaria legjitime për bilancin e derikëtushëm për këtë betejë kombëtare.
Së dyti jua them sot se sa keq do të ishim po mos kishim bërë gjithçka kemi bërë këtu. Teksa fillojmë hapemi se secili, çdonjëri prej jush bilanci i sotëm mund të përmbyset nëse harrojmë që armiku i padukshëm është kudo, mes nesh, në çdo moment të përfitojë nga gabimi më i vogël.
Vendosëm një kornizë të re masash ndëshkuese, penale dje në Kuvend.
Ka disa tipa që jeta më ka mësuar që nuk ndryshojnë dhe nuk reflektojnë në asnjë kohë, se nuk i lë mllefi, injoranca, ligësia apo mendësi se mund të japin mend.
Këta tipa qofshin ngelësa tipikë me analista në skype apo me profil fallco. U hodhën përpjetë për të mbrojtur demokracinë, nga çfarë nga mbushja e vakumit në Kodin penal që ishte pa asnjë rresht për një situatë epidemia.
Nuk kam asnjë problem me ta, e kanë me veten. Jo unë po as zoti nuk ua zgjidh dot. Dua t’ju siguroj, të më besoni se Kodi Penal ka vetëm një qëllim mbrojtjen e jetës dhe familjes tuaj nga abuzimet që mund të kërcënojnë secilin prej jush.
Sot dua t’ju jap një provë të thjeshtë për shkak se ndëshkimet nuk janë as plan për t’u bërë si Enveri as dëshirë e shpirtit tim diktatorial. Për ta forcuar dëshirën kolektive dhe një pakicë nuk mund të lejojë të gërryejë rezistencën dhe të hedhë në lumë gjithë këtë rezistencë duke hedhur në lumë.
Janë ekzekutuar 7 mijë e 107 gjoba për këmbësorët dhe për automjetet të cilat kemi vendosur që t’i falim të gjitha por që nga java tjetër me ndryshimet në Kodin Penal ndëshkimet janë të pakthyeshme”, tha ai.
