E enjte, 17 Qershor, 2021
16.5 C
Tirana

FAKTET/ Projekti i Teatrit të ri Kombëtar është plagjiaturë (FOTO)

Projekti i Teatrit Kombëtar prezantuar nga kryeministri Rama është plagjiaturë. Pas një beteje të gjatë ku përfundoi me dhunë e të lënduar, rezultati nuk është gjë tjetër veçse një projekt i vjedhur.

Pas një përballje të gjatë me artistët, Rama prezantoi pas 24 orësh kur godina ishte hedhur në erë, atë që e cilësonte si një skenë dinjitoze, një tjetër destinacion kulturor të përmasave evropiane në çdo aspekt.

Teksa demonstroi me anë të disa fotove projekt-idenë e Teatrit të Ri Kombëtar, konceptuar nga arkitekti i famshëm danez Bjarke Ingels, një lum komentesh shpërthyen në adresë të tij në Facebook. Këtu lindën dyshimet, e pas një kërkimi të thjeshtë në Google, vihet re lehtësisht se bëhet fjalë për një projekt të vjedhur.

Teatri i ri është projektuar nga Grupi Bjarke Ingels (BIG), i cili ngjan si propozimi i vitit 2011 i studios Forma Architect për Busan Opera House në Korenë e Jugut.

Irina Miroshnikova, një nga projektueset kryesore të studios arkitektonike të variantit origjinal, pra të Busan Opera House, ka reaguar në rrjetin social Facebook duke shkruar: Rastësi? Nuk mendoj kështu.

Miroshnikova lë të kuptojë se projekti i prezantuar nga studiot më të mëdha ndërkombëtare të arkitekturës në botë, “Bjarke Ingels Group” me qendër në Danimarkë; nuk është gjë tjetër veçse një kopje.

Ajo çfarë ajo denoncon me foto është se projekti është i vjedhur. E thënë më thjeshtë: Kanë vjedhur një projekt në Google. Arkitektja ukrainase denoncon vjedhjen e punës së saj dhe të kolegëve. Provat janë se nuk kanë patur asnjë projekt, dhe atë që kanë parë të arsyeshme është një kërkim në google search.

Lexo edhe :   Holanda gati të pranojë negociatat me Shqipërinë, Rama: Jua kisha thënë!

Ja kush është skuadra e arkitektëve ukrainas që kanë bërë projektin e Koresë: Oleksiy Petrov, Irina Miroshnykova, Dmytro Prutkin, Alice Magirovskaya, Anton Izhakevich, Ksenia Dmitrenko Porositësi: Busan Metropolitan.

Znj. Miroshnikova nuk është kontaktuar nga Bashkia e Tiranës për ndonjë projekt. Dy vite më parë, Rama u shpreh se ky projekt është hartuar nga arkitekti Bjorke Ingles, i cili para aktorëve prezantoi projektin dhe u shpreh se do të jetë një godinë me një dizajn modern që krijon një hapësirë unike në qytetin e Tiranës.

Lexo edhe :   Dorëheqja e Ruçit, ja kur e lajmëroi Ramën e Ballën për vendimin

Gjatë fjalës së tij Rama po ashtu edhe arkitekti theksoi se gjithë ky projekt është hartuar nga studio “Bjarke Ingels Group” me qendër në Danimarkë, dhe është një projekti i hartuar vetëm për Teatrin Kombëtar.

Projekti i prezantuar nga Rama ka një ngjashmëri të madhe me një projekt në Korenë e Jugut, i hartuar për qytetin Busan, i menduar për ndërtimin e një “Opera”. Ky projekt është hartuar në vitin 2011 dhe mban firmën e disa arkitektëve ukrainas. Vetëm nga një kërkim i thjeshtë kupton se projekti i Teatrit Kombëtar është kopjuar nga studio “Forma Architects” e cila ka hartuar projektin për Operan në Korenë e Jugut. Të dy projektet në fjalë ngjajnë si dy pika uji, e ndërsa Rama po e shet si punë të arkitektit Bjarke Ingels.

- Reklama -

Më shumë nga kategoria




Të fundit

Reporterët pa Kufij: Rusia po i vret mediat e pavarura

Reporterët pa Kufij paralajmëruan për “zhdukjen graduale” të mediave të pavarura në Rusi dhe i kërkuan presidentit Vladimir Putin që të shfuqizojë të ashtuquajturin...

Italia ”shkërmoq” Zvicrën dhe kalon në raudin tjetër të ”Euro 2020”

Përfundon ndeshja e Grupit C. Italia ka mundur me rezultatin e pastër 3-0, Zvicrën dhe është kualifikuar në raundin tjetër të “EURO 2020”. Ndeshja u...

Irani synon blerjen e satelitëve rusë

Njoftimet se Irani po kërkon të blejë një sistem satelitor rus të avancuar nuk janë "veçanërisht shqetësuese" për sigurinë e trupave amerikane në rajon,...

Padia e Metës për Teatrin Kombëtar, Kushtetuesja tërhiqet për të marrë vendimin

Ka përfunduar pas 12 orësh, seanca në Gjykatën Kushtetuese për çështjen e shembjes së Teatrit Kombëtar, e cila filloi mëngjesin e sotëm rreth orës...

“Mos përdor gjuhën e Bashës”/ Spiropali debat me Abilekajn për 25 prillin

Ministrja e Shtetit për Marrëdhëniet me Parlamentin dhe gazetari Enton Abilekaj, janë përfshirë në një debat mbrëmjen e sotme. Të ftuar në emisionin ''Open''...