Edhe ditën e sotme janë shënuar përplasje mes policisë dhe banorëve tek ‘Bregu i Lumit’ në Tiranë.
Mësohet se fadromat kanë shkuar sërish për të vijuar punën që herët në mëngjes për të prishur banesat e mbetura.
Sipas Partisë Demokratike, situata është e tensionuar dhe banorët janë përplasur fizikisht me policinë teksa kundërshtojnë me forcë prishjen e banesave, pasi kërkojnë dëmshpërblim financiar sipas çmimit të tregut.
Banorët shprehen se forcat policore janë më shumë në numër krahasim me herën e kaluar, kur policia përdori edhe gaz lotsjellës për të nxjerrë nga shtëpitë banorët.
Ndërkohë, PD ka shpërndarë edhe një video të shkurtër, ku dallohet qartë konfrontimi i banorëve me policinë.
