Platforma sociale Facebook, njoftoi se llogaria e ish-Presidentit të Shteteve të Bashkuara të Amerikës Donald Trump do të jetë e bllokuar për dy vite, pra deri në vitin 2023. E njëjta gjë, do të vlejë edhe për llogarinë e Trump në rrjetin socal, Instagram.
Deri në vitin 2023, kompania e mediave sociale do të rivlerësojë nëse është tërhequr rreziku për sigurinë publike për të lejuar Trump të ketë përsëri akses në llogaritë e tij, shkruan CNBC.
Gjithashtu, do të analizohen gjithë faktorët e jashtëm që ndikuan në dhunën e Capitolit, duke përfshirë këto trazirat e bëra, dhe rastet e dhunës.
“Ne do të vlerësojmë faktorët e jashtëm, përfshirë rastet e dhunës, kufizimet në tubimin paqësor dhe shënjuesit e tjerë të trazirave civile. Nëse përcaktojmë se ekziston ende një rrezik serioz për sigurinë publike, ne do të zgjasim kufizimin për një periudhë të caktuar kohore dhe do të vazhdojmë të rivlerësojmë derisa ai rrezik të tërhiqet.”, tha kompania.
