Koronavirusi po përhapet me ritme të shpejta në pothuajse të gjitha vendet e botës. Pas Azisë, Evropa tashmë është kontinenti i dytë që shënon më shumë të prekur nga koronavirusi.
Vetëm në Itali janë regjistruar më shumë se 7 mijë të infektuar, prej të cilëve janë shënuar 366 viktima.
Shumica e shteteve në Evropë kanë konfirmuar rastet e para me koronavirus, së fundmi edhe Shqipëria. Por ka ende pak vende ku virusi vdekjeprurës nuk ka depërtuar akoma.
Kosova, Mali i Zi dhe Qipro nuk kanë shënuar ende asnjë të infektuar me koronavirus. Në të tre shtetet janë bërë teste të shumta, por sipas autoriteteve zyrtare ato kanë rezultuar të gjithë negative.
