Gazetari investigativ italian, Roberto Saviano ka folur në lidhje me situatën e rëndë të krijuar nga koronavirusi, duke e cilësuar atë si fundin e Evropës.
Në artikullin e tij të publikuar sot në “Repubblica”, Saviano shprehet se krimi i organizuar ka marrë edhe më shumë terren në këto kohë në Itali.
Gazetari komenton me nota negative menaxhimin që shteti italian po i bën situatës, ndërsa thekson se Covid-19 i ka kapur institucionet evropiane të papërgatitura.
“Një shtet që brenda dy javësh njoftoi së pari izolimin, më pas pësoi ulje në ekonomi dhe në fund mbylli njerëzit në shtëpi, është një shtet i dobët. është lehtësisht pre e çdo forme të organizuar, parimi i autoritetit i të cilit merret përmes dhunës dhe parave të paguara menjëherë.
Evropa gjithashtu ka rezultuar plotësisht e papërgatitur. Kjo Evropë ka tradhtuar plotësisht pritjet dhe ëndrrat e themeluesve.
Në rastin e parë urgjent ne e gjejmë veten në një situatë në të cilën xhelozitë kombëtare privojnë mundësinë e një platforme të përbashkët për t’i bërë ballë pandemisë. Evropa edhe sot duket se kthen shpinën, në kuptimin e mirë të fjalës, dhe në mënyrën e vetme që kemi për të shpëtuar jetët tona: të ndajmë gjithçka.
Kjo Evropë, siç është, me siguri do të përfundojë me koronavirusin, sepse pas kaq shumë vuajtjesh, pas frikë, pas pamundësisë që qenia njerëzore po shikon, mbase do të lindë diçka e re dhe ndryshe”, shpjegon Saviano.
