Jonida Maliqi me këngën ‘Ktheju Tokës’ arriti të kalojë në natën finale të Eurovizionit, duke marrë duartrokitjet dhe mbështetjen e gjithë të pranishmëve. Shqiptarja ka pasur mbështetje edhe nga fituesja e edicionit të shkuar, këngëtares shqiptare që përfaqësoi vitin e kaluar Qipron, Eleni Foureira.
Pasi bëri bujë një vit më parë me deklaratat për Shqipërinë, ajo edhe këtë herë nuk ka harruar origjinën se nga vjen.
Eleni, mbrëmë i ka dedikuar një postim këngëtares shqiptare Jonida Maliqi me këngën ‘Ktheju Tokës’ duke shkruar ‘Shqipëri, zemër’. Ajo nuk mbështeti as Greqinë dhe as Qipron, por Shqipërinë duke i emocionuar sërish të gjithë.
Jonida i është përgjigjur gjithashtu me një postim ku i shkruan: ‘Të dua’.
Mbështetja e Elenit, e cila i vuri ‘flakën’ vjet skenës me ‘Fuego’ është shumë e madhe për Shqipërinë pasi siç dihet, ajo tashmë është një këngëtare e njohur ndërkombëtarisht.
