Euro, paundi dhe franga regjistrojnë luhatje të lehta të vlerës

Këtë të martë, monedha europiane është forcuar në krahasim me ditën e hënë, duke u blerë sot me 123.5 lekë dhe duke u shitur me 124 lekë, sipas kursit të këmbimit lokal.

Ndërkaq edhe paundi britanik ka regjistruar një rritje të lehtë nga dita e djeshme, duke u blerë sot me 137 lekë dhe duke u shitur me 138 lekë, referuar tregut valutor vendas.

Dollari amerikan nuk ka pësuar luhatje të vlerës, duke u shfaqur i qëndrueshëm këtë mëngjes teksa vijon edhe sot të blihet me 104.2 lekë dhe të shitet me 104.9 lekë sikurse edhe një ditë më parë.

Franga zvicerane është valuta e vetme kryesore që ka shënuar një rënie të vogël në raport me ditën e hënë, duke u blerë këtë të martë me 113.7 lekë dhe duke u shitur me 114.7 lekë. /SCAN