18:00: Kroaci – Spanjë (Kopenhagen)
Të dy ekipet vuajtën për gola në fazën e grupeve para paraqitjeve të shkëlqyera në ndeshjet e treta që i siguruan kalimin në fazën e eliminimit direkt si iberikëve ashtu dhe dalmatëve. Sot, mbasdite, vihen përballë në Parken Stadium të Kopenhagenit.
Goli i shkëlqyeshëm i Luka Modrićit me të jashtme ishte pika më kulmore e fitores 3-1 ndaj Skocisë që bëri që Kroacia të përfundojë e dyta në Grupin D. Mesfushori tha se ata “janë një rrezik për të gjithë” në rastin më të mirë dhe, pasi u kthyen në shtëpi fiks në këtë fazë në EURO 2016, presin të bëjnë një hap përpara këtë edicion për t’u përmirësuar. Mungesa e Ivan Perišićit (i infektuar) do të jetë një pengesë e madhe në kauzën e tyre për të avancuar.
Një detyrë e vështirë dhe për Spanjën, natyrisht, pavarësisht se “La Roja” barazoi rekordin e fitores më të thellë të turneut me triumfin 5-0 ndaj Sllovakisë duke përfunduar e dyta në Grupin E. “Unë i paralajmërova të gjithë që kur kapaku të hapej, shampanja do të derdhej”, tha trajneri Luis Enrique më vonë.
Fituesi i këtij çifti luan me fituesen e çiftit Francë-Zvicër.
Formacionet e mundshme:
Kroacia: Livaković; Juranović; Vida, Ćaleta-Car, Gvardiol; Modrić, Brozović, Kovačić; Vlašić; Rebić, Petković
Spanja: Unai Simón; Azpilicueta, Eric García, Laporte, Jordi Alba; Koke, Busquets, Pedri; Gerard Moreno, Morata, Sarabia
