Pas Petrit Vasilit, është ish-deputetja e LSI-së, Kejdi Mehmetaj e cila kërkon dorëheqjen e ministres Gjonaj. Ajo shkruan në Facebook se Ministrja e Drejtësisë, Etilda Gjonaj është pjesë e klanit kriminal brenda qeverisë që dhunoi Kushtetutën, që falsifikoi dokumentat, që tenton të kap çdo institucion të pavarur të shtetit, me aktin final kapjen e Gjykatës Kushtetuese.
Më tej ajo thekson se ministres i ka mbetur vetëm të përballet me drejtësinë. Presidenti Ilir Meta dorëzoi vetë në SPAK kallëzimin penal kundër Etilda Gjonajt dhe dy zyrtarëve të tjerë të Ministrisë së Drejtësisë. Sipas Metës, Gjonaj ka marrë pjesë në organizimin e “grushtit të shtetit”, dhe në kapjen e Gjykatës Kushtetuese nga mazhoranca.
Statusi
Sa mirë do të ishte që Etilda Gjonaj sot të jepte dorëheqjen, të shfaqte shenja pendese përpara shqiptarëve e të përballej sa më parë me SPAK, çdo gjë tjetër vetëm i shtohet turrës së gënjeshtrave, falsifikimeve e turpeve.
Znj.Gjonaj është pjesë e padiskutueshme e klanit kriminal brenda qeverisë që dhunoi Kushtetutën, që falsifikoi dokumentat, që tenton me kthetrat gjigande të kap çdo institucion të pavarur të shtetit, me aktin final kapjen e Gjykatës Kushtetuese.
Etildës tani i ka mbetur vetëm të përballet me drejtësinë, aty ndoshta do ti dhimbset vetja që pranoi të ishte një tjetër “kurban” i Edi Ramës.
Pak më herët, zëdhënësi i presidentit, Tedi Blushi i tha ministres së Drejtësisë se me qetësi dhe drejtësi, erdhi koha për llogari. Në fund ai i kërkon Gjonajt që të tregojë shokët, për atë që ai e quan ‘grusht shteti’.
