Ato janë dy këngëtaret më në zë në Britaninë e Madhe dhe janë të dyja nga Kosova, por marrëdhëniet mes tyre duket se nuk janë aspak të mira. Bëhet fjalë për Rita Orën dhe Dua Lipën, të cilat e shmangën njëra-tjetrën në Met Gala.
Këngëtaret thuhet se kanë pasur një konflikt privat dhe kjo ka bërë që të shmangin përballjen kur zbritën në qilimin e kuq në Muzeun Metropolitan të Artit Modern të Nju Jorkut.
Një burim i tha The Sun: “Është një turp, pasi ato ishin mike të ngushta dhe Dua foli shumë për të dhe tha se admironte Ritën. Dua madje tha se donte të ishte si Rita në të ardhmen. Por tani gjërat kanë ndryshuar në mënyrë dramatike dhe ajo po përpiqet të distancohet.
Rita është kujdesur dhe ka dalë nga rruga e saj për t’u siguruar që nuk do të përballen dhe në këtë mënyrë ka shmangur një konfrontim të mundshëm. Ajo i urren dramat, por donte të shkonte në Met Gala dhe asgjë nuk do ta ndalonte atë.”
