”Është e sigurt”/ OBSH: Të mos pezullohet përdorimi i vaksinës AstraZeneca

Organizata Botërore e Shëndetësisë, u ka bërë thirrje shteteve që të mos ndalojnë përdorimin e vaksinës së prodhuar nga Astrazeneca, pas konstatimit se në disa raste ka pasur mpikjse të gjakut te pacientët.

Margaret Harris, një zëdhënëse se OBSH-së ka deklaruar se ajo është një vaksinë efektive dhe vendet nuk duhet të ndalojë përdorimin e saj nga frika se shkakton efekte anësore, shkruan BBC.

“Vendet nuk duhet të ndalojnë së përdoruri vaksinën AstraZeneca Covid-19 nga frika se shkakton mpiksje të gjakut pasi nuk ka asnjë indikacion se kjo është e vërtetë,”-ka thënë ajo.

Po ashtu, ajo theksoi se po kryhet një hetim, por deri më tani nuk ka asnjë fakt shkencor që vaksina shkakton probleme shëndetësore.

“OBSH po heton raportet, pasi bën ndonjë pyetje sigurie.  Por, nuk ka asnjë fakt shkencorë se ai shkakton e problemeve,”-ka shtuar ajo.

Ndërkohë, sot në Shqipëri priten të vijnë dozat e para të vaksinës AstraZeneca, ku 38 mijë e 400 doza do të mbërrijnë për të vijuar kështu me procesin e vaksinimit anti-covid.