“Kallëzim penal ndaj Veliajt”/ Kreu i FRD: Ja si erdhi Meta te zyrat

Mesdita e sotme u karakterizua nga dhuna në ambientet e Partisë Fryma e Re Demokratike (FRD), pasi Bashkia e Tiranës i kërkoi kësaj force politike lirimin e zyrave.

Situata u tensionua edhe më shumë, kur Presidenti i Republikës, Ilir Meta u përplas fizikisht me punonjësit e policisë bashkiake.

Nd9rkohë, kryetari i FRD Sali Shehu deklaroi se partia e tij do të hartojë një kallëzim penal për dhunim të ambienteve të selisë së FRD nga bashkia e Tiranës.

Në një intervistë për RTV Ora, ai u shpreh se i është kërkuar prokurorisë së Tiranës që të nisë hetimet për kalim të kompetencave nga ana e policisë bashkiake.

Sali Shehu: Kemi patur një letër të paidentifikuar, pa vulë e pa firmë e pa protokoll. Letra është lënë korridoreve të FRD dhe e gjetur nga personeli e lënë mënjanë. Nëse do ishte zyrtare do merrnim masa.

Kjo erdhi pak ditë pasi nënshkruam marrëveshjen me Aleancën për Ndryshim. Nuk ka asnjë diskutim tjetër. Sigurisht që ka sfond politik. E falenderoj për qëndrueshmërinë, korrektesën si kryetar shteti ndaj shkeljeve që ndodhin në Shqipëri.

Isha në takim kur më thanë se policia bashkiake nuk lejon njerëzit të hyjnë në ambiente. Kam njoftuar të gjithë mediet për këtë akt të paprecedentë dhe kam bërë një deklaratë zyrtare për mediat. Dy- tre minuta më pas më telefoni dhe presidenti nuk vonoi.

Tentuan të ndalonin dhe presidentin por nuk ndaluan, sic nuk ia dolën të ndalonin as kryetarin të opozitës. Kjo zyrë është e FRD se jemi me të drejtën tonë ligjore.

Sjellje dinjitoze nuk ishte e bashkisë që solli një letër paçavure. Kemi hyrë në këtë godinë në 2016 si parti që kishim siguruar 1% të votave në shkallë kombëtare.

Si guxon të nxjerrësh partinë një muaj para zgjedhjeve, kjo është e paimagjinueshme dhe nuk ka ndodhur. Ne nuk dalim nga kjo zyrë sepse jemi në të drejtën tonë. Jam  në kontakt me kreun e KQZ-së

Kam iniciuar kallëzim penal për dhunim të ambienteve të selisë së FRD nga bashkia e Tiranës. Kam kërkuar prokurorit të Tiranës të nisë hetimet për tejkalim të kompetencave të policisë bashkiake në hyrje të FRD.