Në përrallën e Piter Panit, fëmijëve u realizohet ëndrra për të mbetur gjithnjë fëmijë. Por rusi Denis Vashurin, po e përjeton realisht këtë gjë. I lindur në vitin 1987, 33-vjeçari ka pamjen e një adoleshenti 14-vjeçar.
Kjo për shkak të një ç’rregullimi të rrallë gjenetik. Në foton e maturës, Denisi ngjante me një fëmijë të vogël në mesin e të rriturve. Vashurin e pranon se njerëzit e paragjykojnë dhe e ngacmojnë për anomalinë që ka.
Ndaj preferon të jetojë në një fshat të vogël në rajonin Krasnojarsk, në vend se të transferohet në qytet.
Në një rast, një polic rrugor donte ta arrestonte me akuzën e falsifikimit të patentës. Denisi ia hodhi vetëm pasi vërtetoi moshën e tij reale. Por në tërësi, “burgosja” në trupin e një fëmije, nuk e ka penguar të bëjë një jetë normale.
Ai ka një të dashur 4 vite me të vogël se vetja. Kohën e lirë e kalon me gjueti dhe peshkim. Pavarësisht pamjes fëminore, trupi i tij plaket me të njëjtin ritëm si të tjerët. Miqtë dhe e dashura e tij e thërrasin më shaka “gjyshi”. “Ju s’mund ta dini si është të jetosh në trupin tim. Prandaj, mos paragjykoni”, thotë Vashurin.
TIRANA TODAY
