Zv/ndihmës sekretari amerikan i shtetit, Gabriel Escobar, i dërguar i Uashingtonit për Ballkanin, ndodhet në një vizitë zyrtare në Shqipëri. Zyrtari i lartë amerikan i nisi takimet me kreun e PD-së, Lulzim Bashën në orën 11:45. Escobar mbërriti në selinë blu i shoqëruar nga ambasadorja Yuri Kim. Në hyrje të selisë e priti sekretari i përgjithshëm i PD-së, Gazment Bardhi dhe n/kryetarja Jorida Tabaku.
Mësohet se në tryezë do të jetë e gjithë kupola e PD-së nga sekretari, n/kryetarët dhe kreu i grupit parlamentar demokrat.
Vizita e Escobar në Tiranë, vjen vetëm dy ditë para Kuvendit të thirrur nga Sali Berisha, i cili është i shpallur “non grata” nga SHBA-ja për korrupsion dhe minim të demokracisë.
