Në datën 19 janar pritet të mbahet premiera e filmit “I love Tropoja”. Sikundër është thënë edhe më herët, në këtë film luajnë disa nga aktorët më të mirënjohur të vendit, si Marjana Kondi, Bruno Shllaku, Irgen Çela, Jul Deda e shumë të tjerë. Përmendim këtu edhe Encën, e cila i ka mahnitur të gjithë me talentin.
Producenti dhe regjisori, Ermal Mamaqi, i ftuar mëngjesin e sotëm në “Wake up”, tregoi se ka investuar shumë për këtë film, në xhirimet e të cilit janë përdorur aparaturat e nivelit më të fundit.
Ermali tregoi se lentet e kamerave që janë përdorur në “I love Tropoja”, janë të njëjtat me ato të “Fast & Furious 8”. Po kështu ai zbuloi se filmi ka kushtuar mbi 700 mijë euro deri tani.
