Presidenti turk, Recep Tayyip Erdogan, ka qenë sot i pranishëm në lutjen e parë në “Ayasofya”, pas rikthimit të saj në një xhami.
Duke mbajtur kapelën karakteristike islamike, Erdogan recitoi një varg nga Kurani para se thirrja për lutje të dëgjohej nga katër minaret e ndërtesës.
Kujtojmë se Gjykata Administrative turke anuloi statusin e ndërtesës si muze më 10 korrik. Ajo u rihap si xhami, pavarësisht polemikave të mëdha që ky vendim solli.
Lutjet e stome myslimane ishin të parat në 86 vjet, teksa mijëra besimtarë kishin udhëtuar nga e gjithë Turqia për ceremoninë.
Nga ana tjetër, liderët ortodoksë shpallën një ditë zie për rihapjen si xhami të asaj që ka qenë një nga katedralet kryesore të krishtërimit.
Një sondazh i agjencisë turke, “Metropoll”, doli në përfundimin se 44% e pjesëmarrësve besonin se çështja e “Ayasofya” ishte futur në axhendë për të larguar vëmendjen nga problemet ekonomike me të cilat po përballet vendi.
