Turqia aktualisht ka mjaft vaksina kundër COVID-19 dhe nuk priten vështirësi në furnizime, tha presidenti Rexhep Taip Erdogan, shkruan Anadolu Agency.
Përveç furnizimeve aktuale dhe hyrëse të vaksinave kineze Sinovac dhe atyre evropiano-amerikane BioNTech, aktualisht po vazhdojnë edhe bisedimet me Rusinë, tha presidenti turk.
“Shpresojmë se vaksina Sputnik po vjen, do të vijë”, u tha Erdoğan gazetarëve në Stamboll.
Duke folur rreth bisedimeve joformale mbi Qipron në Gjenevë të kësaj jave, Erdogan tha në lidhje me administratën greke të Qipros Jugore: “Unë nuk i besoj Qipros Jugore. Ata kurrë nuk kanë vepruar me sinqeritet”.
“Tani bisedimet janë shtyrë për dy ose tre muaj dhe unë përsëri nuk e di nëse diçka do të arrihet. Sepse ata kurrë nuk kanë folur me vërtetësi”, shtoi ai.
Pas bisedimeve, udhëheqësit e Turqisë dhe Republikës Turke të Qipros Veriore (TRNC) thanë se zyrtarët e administratës Qipriote Greke kërkuan modele të diskredituara për zgjidhjen e problemeve të ishullit dhe gjithashtu u përpoqën të mohonin se ata kishin prishur bisedimet e mëparshme.
