Një video në të cilën shfaqet rojet bregdetare greke qëllojnë me armë të kalibrit të madh ndaj një gomone me emigrantë po bën xhiron e rrjetit në media.
Sipas mediave të huaja, videoja është shpërndarë nga autoritetet turke. Gomonia me emigrantë e cila ishte nisur që nga brigjet e Bodrumit, po pengohej nga rojet greke që të mbërrinte në brigjet vendase.
Presidenti i Turqisë, Tayyip Erdoğan ka denoncuar veprimin e rojeve kufitare, teksa akuzon ato se kanë vrarë 2 persona dhe kanë plagosur të tjerë. Erdogan nuk e specifikoi nëse këto vrasje kanë ndodhur pikërisht në rastin në fjalë apo më përpara.
Kujtojmë se ditët e fundit Greqia është përballur me një fluks të madh emigrantësh nga Siria. Kjo pasi autoritetet turke vendosën të mos i ndalonin më në territorin e tyre.
