Presidenti turk, Reccep Tayip Erdogan, ka kërcënuar Sirinë se do t’i zmbrapsë trupat e saj në Idlib, nëse nuk i tërheq ato deri në fund të muajit shkurt.
Erdogan lë të qartë kështu se nuk do t’i tërheqë trupat turke nga pikat e vëzhgimit, edhe pse ato gjenden në zonat e kontrolluara nga forcat e regjimit sirian. Mediat e huaja shkruajnë se ushtarët e Bashar al Asadit po përpiqen ta rivënë nën kontroll këtë rajon dhe disa pjesë të Alepos.
Nga ana tjetër, Siria ka siguruar mbështetjen e Iranit dhe Rusisë në këtë konflikt. Por Erdogan i tha të martën presidentit rus, Vladimir Putin se Ankaraja do të përgjigjet “ashpër” nëse do të ketë një tjetër sulm sirian.
Kujtojmë se tensionet mes Turqisë dhe Sirisë u përshkallëzuan nga bombardimet siriane më 3 shkurt, ku mbetën të vdekur 8 ushtarë turq.
