E mërkurë, 16 Qershor, 2021
24.5 C
Tirana

Enkel Demi bën “Tom Kukën” fitues të Çmimit Europian 2021

Romani “Flama” i gazetarit Enkel Demi, është shpallur fituesit për Çmimin e Bashkimit Evropian për Letërsi 2021. I nënshkruar me pseudonimin Tom Kuka, romani “Flama” ka mundur të triumfojë në një garë me pesë emra që juria kishte nxjerrë në finale.

Çmimi i Bashkimit Evropian për Letërsinë (European Union Prize for Literature #EUPL2021) jepet për shkrimtarë nga e gjithë Evropa. Çmimi përfshin 41 vende që janë pjesë e programit Evropës Krijuese – një iniciativë që synon të forcojë sektorët kulturorë dhe krijues të Evropës.

EUPL u lançua në 2009, dhe që atëherë njohu 135 autorë fitues përmes 12 botimeve. Çdo vit, EUPL vlerëson një fitues për çdo vend nga një e treta e vendeve pjesëmarrëse. Edicioni i këtij viti do të vlerësojë fituesit nga 14 vende: Shqipëria, Armenia, Bullgaria, Republika Çeke, Islanda, Letonia, Malta, Moldavia, Hollanda, Portugalia, Serbia, Sllovenia, Suedia, Tunizia.

Në këtë garë Shqipëria, kishte 5 autorë ku fitues u shpall Tom Kuka, me romanin e tij “Flama”. Demi renditet mes emrave të njohur, që po ashtu janë zgjedhur fitues në vendin e tyre si në Portugali Frederico Prederira apo Suedi Maxim Grigoriev.

Romani “Flama” është krijuar në muajt e karantinës, ndërsa ngjarjet lidhen me Tiranën e para një shekulli. Kush ka lexuar romanin e parë “Hide në kalldrëm”, do i dukej “Flama” si një vijim i ngjarjeve. E veçanta e Demit si autor është se emrin e pseudonimit mbi prozën e tij e ka edhe emër personazhi. Proza e Demit vjen përmes një stili ku magjikja dhe realja shkrijnë kufijtë me njëra tjetrën. Dhe një vrasje e pazbuluar duket shtrati më i sigurtë që këto dy botë të ecin rrjedhshëm.

Autorët shqiptarë në garë:

Ana Kove, Kambanat e së dielës, botues “Toena”.

Brajan Sukaj, Viti i Elefantit botues “Ombra GVG”.

Liridon Mulaj, Mos harro të më kujtosh, botues “Onufri”.

Loer Kume, Amygdala Mandala, botues “UET Press”.

Tom Kuka, Flama, botues “Pegi”.

- Reklama -

Më shumë nga kategoria




Të fundit

Ishte krahu i djathtë i Arta Markut/KPK shkarkon prokuroren e njohur të Tiranës

Komisioni i Pavarur i Kualifikimit, KPK shpalli të mërkurën vendimin e shkarkimit nga detyra për prokuroren e Tiranës, Alketa Zifla. Gjatë seancës dëgjimore të zhvilluar...

‘Basha vodhi zgjedhjet’, grupimi ‘Për PD’-në zbardh shkeljet

Grupimi 'Për PD-në' ka dalë në një konferencë për media, ku kanë listuar arsyet pse Basha fitoi një mandat të tretë në krye të...

Euro 2020/ Dita hapet me Finlandë-Rusi, për rusët detyrim fitorja ndaj fqinjëve

Faza e grupeve të UEFA EURO 2020 hyn sot në xhiron e ndeshjeve të dyta. Finlanda përballet me Rusinë, Turqia përballet me Uellsin dhe...

Të ndalet sa më shpejt gjenocidi ndaj myslimanëve në Kinë

Nga Joseph Bosco “The Hill” Kur tmerret e plota të Holokaustit Nazist ishin më se të qarta edhe për mohuesit më kokëfortë gjatë viteve 1940-1950,...

Dhunohet drejtoresha në Bashkinë e Tiranës

Policia njofton se është dhunuar për shkak të detyrës Drejtoresha e Agjencisë së Parqeve dhe Rekreacionit në Bashkinë e Tiranës. Agresori është një 34-vjeçar me...