Platfroma Netflix ofron një gamë të gjerë serialesh e filmash, sa argëtues po aq edhe edukues, sidomos për ata që duan të zhvillojnë një biznes. Të tillë janë 7 dokumentarët që revista Business Insider ka listuar si të domosdoshëm për t’u parë nëse doni të jeni të suksesshëm.
Hot Girls Wanted (2015)
Aktorja Rashida Jones prodhoi këtë dokumentar mbi jetën e vajzave që janë pjesë e industrisë se pornografisë. Shikuesit shohin se si këto femra përballen me zgjedhje e sfida të vështira dhe si bëhen të pavarura ekonomikisht edhe pse pjesë e shfrytëzimit seksual.
The ivory game (2016)
Elefantët afrikanë janë disa nga kafshët që rrezikojnë zhdukjen. Realizuesit e “The ivory game” kanë hetuar mbi trafikimin e jashtëligjshëm të dhëmbëve, kush e kryen dhe aktivistët të cilët e kundërshtojnë. Filmi hedh dritë mbi ekonominë kineze dhe se si ajo ka lulëzuar falë kësaj tregëtie të fildishit dhe çfarë mund të bëhet për këtë problematikë.
Betting on zero (2017)
Regjisori Ted Braun flet për mashtrimet e Herbalife, një kompani ndërkombëtare suplementesh. Kompania akuzohej për rishitjen e produkteve tek konsumatorët e saj. Shikuesit mësojnë më shumë mbi transaksionet financiare dhe se çfarë nuk duhet bërë nëse i futen biznesit të shëndetit.
Maddman: The Steve Madden Story (2017)
Historia e Steve Madden, manjatit dhe stilistit të këpucëve, i cili mësoi se për të ndërtuar një sipërmarrje miliona dollarëshe duhet guxim.
Dokumentari rrëfen suksesin e Madden dhe rrugëtimin e tij pas skandalit të mashtrimit me aksione, gjë që e bëri të përfundonte në burg.
Inside Bill’s Brain: Decoding Bill Gates (2019)
Regjisori fitues i çmimit Oscar, David Guggenheim do që publiku të kuptojë si funksionon truri i Bill Gates. Dokumentari ju çon direkt brenda trurit të tij dhe ju bën të kuptoni influencat që ndikuan tek ai dhe objektivat brenda dhe jashtë botës së informatikës.
Catching the sun (2015)
Sipërmarrësit hidhen drejt tregut të energjisë së pastër. Dokumentari trajton jetën e një të papuni, një aktivisti dhe një sipërmarrësi që kërkojnë të gjithë të jenë një hap para konkurencës. Shikuesit do shohin një tjetër prespektivë të potencialit të energjisë diellore.
Print the legend (2014)
Sipërmarrësit po hedhin baste të shumta mbi sektorin e printimit 3D. Regjisorët Luis Lopez dhe J. Clay Tëeel ndjekin nga pas liderat që duan një copë të revolucionit teknologjik 3D. Shikuesit do të mësojnë shumë mbi këtë sektor dhe do marrin këshillat e nevojshme nga ekspertët e fushës.
Burimi: Bussines Insider/ Përgatiti: TIRANA TODAY
