Floriana Skendaj, një nënë 29-vjeçare shqiptare, ka ndërruar jetë në spitalin italian të Vaio di Fidenza. Nëna e dy fëmijëve ka nderuar jetë dy ditë pasi i është nënshtruar një operacioni të tretë. Në spitalin Maggiore të Parmës, ajo i ishte nënshtruar dy ndërhyrjeve, ku më pas ajo ishte transferuar për trajtim urgjent në Fidenza.
Më 29 qershor Floriana shkoi në spitalin e Vaio-s, pasi i ishte shfaqur një infeksion në murin e legenit. Nga ai moment vijoi edhe prova e saj e vështirë, pasi për një muaj iu desh të qëndronte në spital. Dy ditë më parë erdhi edhe lajmi tragjik: zemra e Florianës kishte pushuar së rrahuri. Burri Adriano Ricchitelli, në sajë të avokatëve Philippe dhe Raphael POGGI Longostrevi, ka bërë një ankesë të Prokurorit të Republikës së Parma, lidhur me zbardhjen e shkaqeve të vdekjes së gruas së tij.
Ndërkohë, policia ka marrë në dorë dosjet mjekësore të Florianës, në spitalet Maggiore dhe Vaio, dhe është duke kryer edhe një autopsi në trupin e nënës së re. Rezultatet e autopsisë do të jenë në dispozicion në ditët në vijim, ku do të hidhet dritë mbi shkakun e vërtetë të vdekjes së shqiptares, që ende duket i pashpjegueshëm. Gruaja jetoi me bashkëshortin e saj dhe dy fëmijë në Fontevivo, Ajo kishte lindur në Shqipëri dhe kishte shkuar në Collecchio, në moshën 7-vjeçare.
Burimi: parmapress24.it
Përshtati: Tirana Today
