Një vogëlushe 2-vjeçare me origjinë shqiptare raportohet e zhdukur. Ngjarja ka ndodhur në Pire të Greqisë, në lagjen “Paleo Faliro”.
Sipas mediave fqinje, vajza që rezulton e humbur identifikohet si Athina Hazizi, ndërsa mësohet se në për këtë rast janë vënë në dijeni autoritetet kufitare shqiptare, bullgare dhe maqedonase.
Ende nuk ka informacione nëse 2-vjeçarja ka humbur rastësisht apo e kanë rrëmbyer. Po ashtu, nuk është e qartë nëse gjendet brenda a jashtë kufirit grek.
Autoritetet greke u kanë bërë thirrje të gjithë qytetarëve që kanë dijeni që të njoftojnë nëse e shohin vogëlushen nga Shqipëria.
