Gjatë natës, një shpërthim i fuqishëm ka tronditur banorët në qytetin e Vlorës. Shpërthimi është dëgjuar në lagjen ‘Rilindja’, në banesën e shtetasit F. Osmenaj. Një sasi tritoli ka shpërthyer në ambientet e jashtme të shtëpisë, duke shkaktuar dëme materiale.
Burime nga grupi hetimor bëjnë me dije se policia ka këqyrur vendin, si dhe ka marrë pamjet e kamerave të sigurisë, me qëllim zbardhjen e plotë të ngjarjes.
Në bazë të informacioneve paraprake, mendohet se shkak kanë qenë konfiktet e hershme që famija ka pasur për shkaqe pronësie.
Njoftimi i policisë:
Më datë 30.03.2019, në lagjen “Rilindja” Vlorë, ka ndodhur një shpërthim. Dyshohet me lëndë eksplozive në oborrin e shtetasit F.O.
Si pasojë e shpërthimit, nuk ka dëme në njerëz, por vetëm dëme të vogla materiale.
Policia vijon hetimet për zbardhjen e ngjarjes, dhe për identifikimin dhe kapjen e autorit/ëve.
