Koronavirusi po njeh një shtrirje të gjerë në fushën e futbollit. Ish-futbollisti i Shqipërisë, aktualisht pjesë e Petrolul Ploeshtit në Rumani, Armando Vajushi ka rezultuar pozitiv me COVID-19.
Media vendase “Pro Sport” raporton se futbollisti shkodran së bashku me 6 pjesëtarë të tjerë të klubit rumun (5 futbollistë dhe 1 pjesëtar i stafit teknik) janë infektuar. Ndodhur në këto kushte, nuk janë lejuar të marrin pjesë në sfidën e djeshme kundër Rapidit të Bukureshtit.
Pandemia ka mbërthyer botën, e ndërsa shifrat e të infektuarve po njohin çdo ditë e më tepër rritje. Po kështu me të njëjtën trend rritës është edhe i pacientëve që nuk ia dalin dot mbanë.
