Një 38-vjeçar i shpallur në kërkim është arrestuar sot nga policia, pasi akuzohet për trafikim të drogave të forta.
Nadir Lutaj u ndalua sot në rrugën “Todi Shkurti”, pas informacioneve të marra në rrugë operative nga policia.
Ai është dënuar më herët nga Gjykata e Krimeve të Rënda me 8 vite burg, për veprën penale “Trafikimi i narkotikëve”. 38-vjeçari akuzohet për ngjarjen e ndodhur në vitin 2013, ku në pikën e kalimit kufitar Vlorë, brenda automjetit të tij janë gjetur 8 pako me peshë 4.5 kg lëndë narkotike heroinë.
Njoftimi i policisë
Tiranë
Vijojnë operacionet nga strukturat e Drejtorisë Vendore të Policisë Tiranë, për kapjen e personave të shpallur në kërkim kombëtar.
Gjatë operacionit kapet dhe vihet në pranga një 38-vjeçar, i dënuar për trafikim të drogave të forta.
Në vijim të punës për kapjen e personave të shpallur në kërkim, paraditen e sotme, nga Seksioni i Kërkimit në bashkëpunim me Sektorin e Forcës Operacionale dhe Kërkimit në DVP Tiranë, në rrugën “Todi Shkurti”, pas informacioneve të marra në rrugë operative, u kap shtetasi Nadir Lutaj, 38 vjeç, i shpallur në kërkim nga Drejtoria Vendore e Policisë Fier.
Gjykata e Krimeve të Rënda e ka dënuar këtë shtetas me 8 vite burg, për veprën penale “Trafikimi i narkotikëve”.
Në vitin 2013, në pikën e kalimit kufitar Vlorë, brenda një automjeti janë gjetur 8 pako me peshë 4.5 kg lëndë narkotike heroinë dhe është arrestuar në flagrancë drejtuesi i mjetit, si dhe është shpallur në kërkim pronari i mjetit, Nadir Lutaj.
Veprimet e mëtejshme do të kryhen nga Drejtoria Vendore e Policisë Fier
