Një aksident i rëndë ka ndodhur sot në autostradën Lushnje-Fier, si pasojë e të cilit një person ka humbur jetën.
Policia bën me dije se një automjet është përplasur me një person që po ngiste një motoçikletë, duke i shkaktuar këtij të fundit vdekjen.
Mësohet se viktima është shtetasi Alban Petri, 29 vjeç nga Lushnja. Ndërkohë drejtuesi i mjetit, Q.K., 53-vjeç është shoqëruar në polici.
Njoftimi i Policisë:
Gjatë orëve të para të mëngjesit të sotëm, në afërsi të vendit të quajtur “Pushim i Shoferit”, shtetasi A.P., 29 vjeç, banues në Sopëz, Lushnje, duke drejtuar motomjetin e tij, është përplasur me automjetin tip “Volksëagen” që drejtohej nga shtetasi Q.K., 53 vjeç, banues në Sopëz, Lushnje.
Si pasojë e përplasjes është dëmtuar shtetasi A.P i cili ka ndërruar jetë në Spitalin e Lushnjes.
Eshtë shoqëruar në Komisariatin e Policisë Lushnje drejtuesi i automjetit, shtetasi Q.K dhe po kryhen veprimet proceduriale.
Grupi hetimor po punon për zbardhjen e plotë të ngjarjes.
