Një krim i rëndë brenda familjes ka ndodhur të dielën në Piacenza të Italisë, ku një burrë ka vrarë me thikë bashkëshorten në sy të djalit.
Sipas “Tgcom24” krimi makabër ka ndodhur rreth orës 16:00 në apartamentin ku jetonte familja me origjinë shqiptare në Viale Dante, afër qendrës historike të qytetit.
“Ansa” raportoi se gjithçka ndodhi në kuzhinën e familjes, para syve të djalit të tyre 17-vjeçar, i cili më pas telefonoi policinë.
Mediat italiane, sot bëjnë të ditur indetitetin e shqiptares 52-vjeçare Elsa Tereziu. Ndërsa burri që kreu krimin e rëndë është shqiptari 57 vjeçar Xhevdet Mehmeti.
Adoleshenti u shoqërua për të dhënë dëshminë e tij në polici. Mësohet se marrëdhënia e çiftit është përkeqësuar ndjeshëm me kalimin e kohës deri në vrasjen e gruas me tri goditje me thikë në qafë.
Në momentin që karabinierët mbërritën në vendngjarje autori ishte larguar, por më vonë ai iu vetëdorëzua autoriteteve.
Ndërsa thuhet se Elsa për shkak të dhunës së herë pas hershme të ushtrua nga buri i saj ishte shtruar edhe në spital. Përkundër dyshimit të tmerrshëm të dhunës dhe keqtrajtimit, gruaja e kishte mohuar gjithmonë dhunën e bashkëshortit të saj dhe kishte thënë gjithmonë se ajo ishte lënduar aksidentalisht. Pas akti të dhunës 52-vjeçarja shqiptare kur nuk ishte paraqitur përpara autoriteteve për të bërë një ankesë për situatën.
Ngjarja
Xhevdet Mehmeti vrau bashkëshorten e tij Elsa Terezi në Piacenza. Vrasja ndodhi në shtëpi, para njërit prej dy fëmijëve të çiftit. Krimi i rëndë ndodhi në sy të djalit 17-vjeçar, i cili dëshmoi se kishte qenë i pafuqishëm që të parandalonte krimin. Në kulmin e një grindjeje të dhunshme, 57 vjeçari mori një thikë dhe e goditi gruan e tij në fyt me tre goditje. 52 vjeçarja e gjakosur gjeti vdekjen e menjëhershme. Trupi i pajetë u gjet i shtrirë në dyshemenë e kuzhinës nga autoritete e shëndetit. Ndërsa 17 vjeçari bëri thirrje për ndihmë, Mehmeti ikur në këmbë nga shtëpia. Menjëherë pas kësaj, ai iu dorëzua karabinierëve që e arrestuan atë me akuzën për vrasje vullnetare.
Përshtati: Tirana Today
