10 persona janë arrestuar gjatë ditës së sotme nga policia italiane, pasi akuzohen për trafikim lëndësh narkotike. Mësohet se mes të arrestuarve të cilët trafikonin lëndë narkotike të ndryshme, ka shqiptarë, italianë, algjerianë e tunizianë.
Sipas mediave italiane, shtetasit e arrestuar akuzohen jo vetëm për tregti droge, por edhe për vjedhje të kryera në disa ferma lokale. Policia italiane raporton se të arrestuarit kishin krijuar gjithsej 4 banda, me anëtarë të etnive të ndryshme dhe vepronin në komuna të ndryshme të Raguzës.
Ndërkohë është bërë i ditur edhe identiteti i shqiptarëve të arrestuar si pjesë e këtyre bandave. Raportohet se në burg ka përfunduar shqiptari, Mesar Ruçi, 44 vjeç. Ndërsa në arrest shtëpie përfunduan shqiptarët: Francesko Liko, 26 vjeç dhe Artur Liko, 26 vjeç.
