Dy të rinj shqiptarë janë identifikuar dhe shpallur në kërkim nga policia britanike, pasi akuzohen për vjedhje të disa shtëpive në zonën e Guildford.
Sipas mediave britanike, të akuzuarit janë shtetasit Inbrahim Basha, 27 vjeç, banues në qytetin Ipswich dhe Ermir Mataj, 33.
Grabitjen e fundit e kryen në një shtëpi në Guildford në orën 10.40 datë 29 shkurt 2020.
Ata kanë vjedhur një shumë të madhe parash dhe shumë bizhuteri. Dy të rinjtë janë detyruar të largohen pasi i zoti i shtëpisë i zuri ata brenda.
Policia dyshon se ata kanë shkuar me një mjet tip BMW të zezë në vendngjarje dhe më pas janë larguar në këmbë.
