Policia italiane ka arrestuar 2 shqiptarë, të cilët dyshohen të jenë autorët e një sulmi të ndodhur 1 vit më parë në Vlorë.
Ngjarja në fjalë ka ndodhur në maj të vitit të kaluar, ku 2 personat e arrestuar kishin tërhequr një grup njerëzish, duke i terrorizuar me të shtëna me armë dhe kishin lënë të plagosur një tjetër. Policia shqiptare kishte identifikuar si autorë shtetasit Igli Memaj, 31 vjeç dhe Gentjan Dautaj, 42 vjeç, të banues në Vlorë.
Falë bashkëpunimit të Policisë Shqiptare me atë të Romës, u arrit të gjurmoheshin shqiptarët, të cilët lëviznin me një Mercedes- A class, në mes të Romës. Ndërkohë shteti fqinj është duke përgatitur ekstradimin e tyre drejt Shqipërisë.
