Përzgjidhen 4 nga 8 kandidatë për kreun e Byrosë Kombëtare të Hetimit. Tashmë është ngushtuar gara për kreun e Byrosë Kombëtare mes katër kandidatëve. Ata janë Aida Veizaj, Artur Beu, Ervin Hodaj dhe Idajet Faskaj.
Komisioni i Përzgjedhjes për Drejtorin e BKH-së për dy ditë zhvilloi intervistat e strukturuara me 8 kandidatët e përzgjedhur deri në ketë fazë, ku 4 prej tyre kaluan në fazën tjetër.
Njoftimi i SPAK
Komisioni i Përzgjedhjes për Drejtorin e Byrosë Kombëtare të Hetimit, në datat 26 dhe 27 shkurt 2020, zhvilloi intervistat e strukturuara me 8 kandidatët e përzgjedhur deri në ketë fazë, në praninë e Komisionit të Pavarur të Rishikimit (Komision me përfaqësues nga misionet e BE-së dhe Qeverisë së SHBA-ve).
Çdo kandidat u intervistua duke përdorur të njëjtën metodë intervistimi, të miratuar më parë nga Komisioni i Përzgjedhjes. Rezultatet e vlerësimit të intervistave iu shtuan rezultateve të mëparshme të kandidatëve.
Në përfundim, Komisioni i Përzgjedhjes përzgjodhi 4 kandidatët më të mirë deri në këtë moment, të cilët do t’i nënshtrohen fazës përfundimtare të verifikimit. Kandidatët e përzgjedhur janë si më poshtë: Aida Veizaj, Artur Beu, Ervin Hodaj, Idajet Faskaj.
Pse rrogat rriten në letra, por varfëria rritet në realitet?
