Zbardhen detaje të tjera nga vrasja që ndodhi paraditen e sotme në Durrës.
Sipas policisë, ngjarja ka ndodhur në një dyqan që tregton metrazhe dhe jo në një byrektore, siç u raportua fillimisht. Rruzhdi Tosuni, 63-vjeç ka goditur me levë hekuri bashkëshorten e tij, shtetasen Hajdie Tosuni, 59 vjeçe, e cila ka ndërruar jetë si pasojë e plagëve të marra.
Çifti, prindër të 3 fëmijëve kanë pasur një konflikt mes tyre, për arsye ende të paidentifikuara. Ndërkohë policia ka arrestuar bashkëshortin e viktimës.
Durrës/Informacion paraprak
Më datë 26.02.2020, rreth orës 11:35, në lagjen Nr. 12, Durrës, shtetasi R. T., 63 vjeç, banues në lagjen Nr. 7, Durrës, në dyqanin që tregton metrazhe, dyshohet se ka goditur me levë hekuri, bashkëshorten e tij, shtetasen H. T., 59 vjeçe, e cila ka ndërruar jetë si pasojë e plagëve të marra.
Shërbimet e Policisë kanë arrestuar në flagrancë autorin e dyshuar të ngjarjes.
Në vendngjarje ndodhet grupi hetimor, ku vijon punën për sqarimin dhe dokumentimin e ngjarjes.
