Këngëtarja Jonida Maliqi sapo përfundoi performancën e saj me këngën “Ktheju Tokës”, në festivalin e Eurosong, ku për të dytën herë dhuroi emocione.
Ajo radhitej e dyta, kështu që të gjithë shqiptarët që ndodhen jashtë vendit mund të votojnë me kodin 02, me qëllim që Shqipëria të arrijë një renditje sa më lartë në klasifikim.
Këngëtarja jonë përfaqësuese na rrëqethi të gjithëve me interpretimin e saj në skenë. Veshja e Jonidës, si dhe skenografia ishte e njëjtë me interpretimin e këngëtares gjatë natës së dytë të festivalit.
Renditja e saj në këtë festival do të përcaktohet nga përllogaritja e votave të jurisë si dhe televotimit.
