E gjithë bota është e kyçur brenda katër mureve, për shkak të virusit vdekjeprurës. Mjeku i njohur Roland Xhaxho ka zbuluar në emisionin “Open” disa të pathëna për këtë virus. Ai tha se COVID-19 është i ngjashëm me turbekulozin, dhe parapëlqen që të jetojë në vende me shumë oksigjen. Mjeku shpjegoi më tej se baza e kësaj sëmundje është dëmtimi i mushkrive.
“Baza e kësaj sëmundje është dëmtimi i mushkrisë. Kush vdes nga kjo sëmundje, vdes nga pneumonia. Ky është një virus si turbekulozi që parapëlqen më shumë vendet që kanë më shumë oksigjen, që janë mushkritë”, u shpreh mjeku.
Më tej ai tregoi se si koronavirusi dëmton mushkrinë tonë dhe e nxjerr jashtë loje. “Koronavirusi krijon një shtresë rreth mushkrive, dhe nuk mund të marrin dot frymë”, tha ai. “Nga një masë transparente që është mushkria, ajo ndryshon gjatë kohës së veprimit të COVID-19 dhe krijohet shtresa që pengon frymëmarrjen”.
