Një nga atentatet më të bujshme në Tiranë, është ai i kryer ndaj bankierit të njohur Artan Santo. Vrasja është kryer më 26 qershor të vitit 2014. Ekzekutimi i një prej personave më të fuqishëm në vend, u krye në orët e para të ditës nga dy vrasës me motor, të cilët ende sot nuk janë identifikuar.
Sot bëhen 6 vite nga vrasja e bankierit Artan Santo, vrasje që ende nuk është zbardhur nga policia, dhe asnjë autor nuk është vënë para drejtësisë.
Gazetari Artan Hoxha e ka rikthyer edhe një herë në fokus këtë çështje. Ai hedh ‘shashkën’ e radhës, teksa shkruan se vrasësit e vërtëtë vazhdojnë të jetojnë të lumtur, pasi i kanë larë duart nga njollat e gjakut. Sipas tij, asgjë nuk ka ndryshuar, ndërsa autorët ende janë të lirë.
Statusi
Fiks, si sot 6 vite me pare…
Asgje nuk ka ndryshuar qe nga ajo dite. Nje tjeter “çun Tirane”, por jo çun Kombinati, çun Blloku, vazhdon te jete ne pushtet. Ai miku tjeter, qe thoshte se ta donte “te miren”, e ka marre nen kontroll te plote banken tende…
Vrasesit!!!!
Ah vrasesit?!
Ata qe terhoqen kembezen, ate mengjes te nxehte qershori, mbase mund ti kesh pare gjekundi, andej, udheve te ferrit.
I nisen pas teje per ne boten tjeter, per te fshehur gjurmet dhe per te keputur zinxhirin e provave, qe te çonin drejt vrasesve te vertete.
Vrasesit e vertete, ATA qe urdheruan, dhe perfituan direkt nga ajo ngjarje, vazhdojne te jetojne “te lumtur” , pasi i kane lare duart nga njollat e gjakut…
Asgje nuk ka ndryshuar, fiks si 6 vite me pare…
