Drejtori i Policisë së Shtetit, Ardi Veliu, ka thirrur në një mbledhje urgjente drejtuesit e drejtorive policore në vend dhe shefat e komisariateve në Tiranë, lidhur me situatën kriminale në vend.
Mbledhja po zhvillohet në ambientet e Drejtorisë së Përgjithshme të Policisë. Burime ende jo zyrtare thonë se në fokus të diskutimit janë ngjarjet kriminale në vend.
Krimi në Shqipëri është sofistikuar në mënyrën më të mirë të mundshme. Ekzekutimet mafioze kanë gjetur terren në vendin tonë. Në Shqipëri, krimi ka lulëzuar ndjeshëm dhe shumë pak nga vrasjet mafioze janë zbardhur deri në fund.
