Vrasja e dyfishtë e vëllezërve në lagjen ‘Kiras’ të Shkodrës, ka vënë në lëvizje forcat e policisë. Efektivët Shqiponja dhe RENEA kanë kryer kontrolle blic në banesat e familjes Lici, familje e njohur tashmë në Shkodër. Familja Liçi prej kohësh është në një konflikt me familjet Bajri dhe Bilali, ç’ka ka pasuar dhe me vrasjen e 11 personave në qytetin e Shkodrës, në harkun kohor të më pak se një viti.
Shënjestra
Dy vëllezërit po ecnin në këmbë drejt shtëpisë së motrës së tyre, ku dhe janë ekzekutuar në lagjen ‘Kiras’ të Shkodrës. Atentatorët të maskuar kanë shkuar me një makinë, dhe personi që ndodhej nga ana e shoferit i ka qëlluar me kallashnikov duke i lënë të vdekur në trotuar.
Viktimat janë Astrit Bilali, 59 vjeç dhe Brahim Bilali, 61 vjeç. Më pas autorët kanë fshehur mjetin tip “Benz” në po të njëjtën lagje, ku dhe i vunë flakën.
Aty ka shkuar zjarrfikësja e cila ka fikur zjarrin, ndërsa makina nuk është djegur totalisht. Kjo mund të ndihmojë policinë për të gjetur gjurmë të ekzekutuesve. Autorët mendohet se i kanë ndjekur më herët lëvizjet e të dy vëllezërve nëpër lagje, dhe më pas i kanë eleminuar.
