Elbasan, ndaj dy vëllezërve u bë një atentat me armë zjarri në vendin e tyre të punës në Lagjen “Shënkoll”. Fatmirësisht asnjë nga vëllezërit nuk është plagosur me plumba, por kanë marrë plagë të lehta gjatë tentativës për ti shpëtuar të shtënave duke u përplasur me sendet që ndodheshin brenda punishtes.
Vëllezërit, G.B, 60 vjeç dhe A.B, 49 vjeç, janë dërguar menjëherë në spitalin Kirurgjik Elbasanit për ndihmë mjekësore, që të dy janë ndodhen jashtë rrezikut për jetën
Akoma nuk ka asnjë informacion rreth identitetit të personave që mund të kenë qëlluar.
Komunikata e plotë e policisë
Dy persona janë plagosur ditën e sotme në qytetin e Elbasanit në rrethana ende misterioze. Dy vëllezër, njëri 60 dhe tjetri 49 vjeç, janë qëlluar me armë nga persona të paidentifikuar teksa punonin në punishte.
“Më datë 21.06.2017, në orët e para të mëngjesit jemi njoftuar se në afërsi të një punishteje e cila ndodhet në Lagjen “Shënkoll” Elbasan janë dëgjuar të shtëna armësh,” njofton policia.
Menjëherë shërbimet e policisë, janë nisur për në vendin e ngjarjes ku kanë konstatuar se brenda ndërtesës ndodheshin dy persona të dëmtuar lehtë.
Shtetasi G.B, 60 vjeç banues në Elbasan dhe shtetasi A.B, 49 vjeç banues në Elbasan, (vëllezër), të cilët janë dërguar për ndihmë mjekësore në spitalin Kirurgjik Elbasan dhe ndodhen jashtë rrezikut për jetën.
Nga veprimet e para hetimore të kryera nga shërbimet e policisë rezultoi se persona të paidentifikuar dyshohet të kenë qëlluar me armë zjarri në drejtim të dy vëllezërve të cilët kanë qenë duke punuar në punishte.
Të dy shtetasit janë dëmtuar lehtë jo nga plumbat por gjatë tentativës për ti shpëtuar të shtënave me armë zjarri, duke u përplasur me sendet që ndodheshin brenda punishtes.
Grupi hetimor vijon hetimet për sqarimin e rrethanave dhe dokumentimin e plotë të ngjarjes.
