Policia britanike ka shpallur në kërkim dy shqiptarë, të cilët akuzohen për vrasjen e një ish-snajperisti kurd, të vrarë në Hartlepool.
Qazim Marku, 23 vjeç dhe Eugert Merizaj, 28 vjeç besohet se kanë lidhje në disa zona nëpër Mbretërinë e Bashkuar, përfshirë Bolton, Sheffield dhe Londër. Autoritetet britanike publikuan fotot e dy shqiptarëve, duke bërë edhe një apel për qytetarët.
“Duam t’i bëjmë apel kujtdo që mund të ketë informacione, që mund të na ndihmojnë në kapjen e këtyre dy personave në kërkim që të kontaktojë policinë. Kushdo që i sheh këta persona, u kërkojmë që të mos i afrohen”, tha zyrtarja e policisë, Sarah Robinson.
Hemwand Ali Hussain, 30-vjeç u qëllua për vdekje jashtë shtëpisë së tij në rrugën Charterhouse, më 15 Shtator të vitit të shkuar.
Sipas BBC, viktima ka shërbyer si snajperist për ushtrinë kurde, kundër të të ashtuquajturit ISIS. Deri më tani të akuzuar për vrasjen e tij janë 4 persona, të cilët presin të dalin në gjyq.
Denonco ne TT