Gjykata e Adelaides ka dënuar me 20 vite burg shqiptarin Petrit Lekaj, i cili vrau me thikë vajzën e tij në makinë.
Ngjarja ndodhi në korrik të vitit të kaluar, ku Lekaj qëlloi të bijën disa herë me thikë në stomak dhe më pas qëlloi edhe veten e tij.
Ata nisën të grindeshin në makinë për shkak të stilit të jetesës, që Sabrina kishte nisur të bënte.
Babai dyshonte se e bija kishte nisur përdorimin e drogës, teksa i është drejtuar asaj me fjalët “po e çon jetën dëm”, por ajo i ishte përgjigjur se “nuk i interesonte”.
Në këtë moment babai ka nxjerrë nga xhepi thikën dhe e ka goditur vajzën në stomak, teksa ajo ka qenë duke shikuar nga dritarja e makinës.
Sabrina nisi të bërtiste për ndihmë, por babai e ka mbështetur në sedilje dhe e ka goditur me thikë edhe 7 herë të tjera, u tha në gjykatë.
Sabrina Lekaj u gjend e vdekur në makinë ndërsa babai arriti t’i shpëtonte plagëve të marra. Ai u mbyll më pas në një spital psikiatrik.
