Blutë e Tiranës kanë shpallur në kërkim një person, i cili dyshohet se e nxori në pritë Vilson Tafçiun mbrëmjen e djeshme. Burimet bëjnë me dije se personi që është shpallur në kërkim, është një i njohur i Tafçiut me inicialet N.D, i cili e nxorri nga lokali. Policia e ka identifikuar atë përmes dëshmive të personave që ndodheshin në lokal, duke shkuar më pas në banesë për të marrë dëshminë e tij.
N.D., nuk është gjendur në banesë dhe nuk ka gjurmë të tijat, duke bërë që policia ta shpallë në kërkim.
Nga verifikimet e kryera në sistem, 28-vjeçari rezulton të jetë deportuar nga autoritetet franceze më 6 nëntor të vitit 2018. Sipas të dhënave që ka verifikuar grupi hetimor, Vilson Tafçiu rezulton të jetë larguar nga Shqipëria më 7 mars të vitit 2018 dhe ka qëndruar në Francë.
Atje është arrestuar disa ditë më pas, konkretisht më 12 mars 2018, pasi u kap duke shpërndarë lëndë narkotike.
Drejtësia franceze e ka dënuar me një vit heqje lirie, por pasi ka qëndruar 8 muaj në paraburgim, është vendosur që të deportohet në Shqipëri. Prej asaj kohe, nuk rezulton që ai të ketë udhëtuar më drejt vendeve të BE-së.
Ekzekutimi që tronditi ‘Astirin’, identifikohet autori i dyshuar
