Qyteti i Vlorës u trondit nga një atentat që u bë në mesditë, ku si pasojë dy persona humbën jetën dhe një tjetër u plagos. Makina e cila u përdor nga atentatorët u gjet e djegur në fshatin Sherisht, për të humbur gjurmën.
Brenda makinës së djegur janë gjetur gjithashtu edhe dy kallashnikovë, të cilët mendohet janë përdorur gjatë sulmit.
Makina e djegur ne Vlore. Atentati ndaj Cipurit on Vidnews.
Sipas informacioneve, objektivi i atentatit ishte Armando Sulejmani, i cili mbeti i plagosur dhe ndodhet jashtë rrezikut për jetën, ndërsa dy viktimat Orest Rexho, kunati i Sulejmanit dhe Arjan Hasani, shoku i tij, ndodheshin rastësisht me të në makinë.
Armando Sulejmani është një emër i njohur, pasi rezulton i skeduar nga policia. Në qytetin e Vlorës, njihet gjithashtu me nofkën “Çipuri”.
Ai ka qenë anëtarët i bandës së njohur të “Gaxhait”, ndërkohë që është dënuar me parë me burgim. Mësohet se Armando Sulejmani është dënuar me 20 vite burg për kryerjen e një vrasje, ndërkohë që ai ka fituar lirinë në vitin 2016.
