Zbardhen tjera detaje në lidhje me ekzekutimin në Rrëshen të 47-vjeçarit, Kastriot Reçi.
Bëhet me dije se vrasësi i Reçit ka zbritur mëngjesin e 7 janarit nga një makinë gri tip Benz, me dy çanta në duar. Në njërën prej çadrave dyshohet të ketë qenë mbajtur snajperi.
Sipas News 24, autori i dyshuar mbante veshur një xhup me ngjyrë të çelët dhe një kapele me ngjyrë të zezë. Ai është ngjitur në pallatin që ndodhej përballë lokalit të viktimës, ku dhe e ka qëlluar me plumb në zemër.
Vrasësi ka qëndruar i fshehur në katin e fundit të pallatit, ndërsa qitja u krye nga dritarja e banjës së apartamentit. Më vonë, nga pallati ka dalë një person me paruke si femër i veshur me fustan dhe tuta të zeza poshtë si dhe me syze.
Raportohet se më pas ai është larguar drejt tregut të fruta-perimeve që ndodhej afër zonës.
